Франция терма жамоаси бош мураббийи Дидье Дешам терма жамоа футболчиларининг ҳолатига изоҳ бериб, Мадриднинг “Атлетико” клуби ҳужумчиси Антуан Гризманнинг муаммолари ҳақида гапирди.
"Ҳозир текширувлар ўтказилмоқда. Эртага биз ҳисоб-китоб қилишимиз керак, баъзи футболчиларда кичик муаммолар бор. Бугун ва эртага эрталаб якуний қарорга келамиз. Антуан Гризманнинг тўпиғида муаммолар бор", - деди Дешам.
Эслатиб ўтамиз, 23 март куни Франция терма жамоаси Германия терма жамоаси билан ўртоқлик учрашуви ўтказади. Орадан бир неча кун ўтиб, 26 март куни Дидье Дешам шогирдлари Чили билан учрашади.
Антуан Гризманн жорий мавсумда 38 та ўйинда майдонга тушиб, 19 та гол урди ва 7 та голли узатмани амалга оширди.
