"Ливерпуль" ҳужумчиси Дарвин Нуньес март ойида Уругвай терма жамоасида ўйнамайди.
Журналист Родри Васкеснинг ижтимоий тармоқларда ёзишича, Нуньес якшанба куни Англия кубоги доирасида "Манчестер Юнайтед"га қарши ўйинда олган жароҳати туфайли терма жамоага ёрдам бермайди.
Эслатиб ўтамиз, "Олд Траффорд"даги ўйиндан сўнг "Ливерпуль" бош мураббийи Юрген Клопп Нуньеснинг сон тиззасида оғриқ сезаётганини айтган эди.
Хабарингиз бор, "Ливерпуль" қўшимча бўлимлар якунида меҳмонда "Манчестер Юнайтед"га 3:4 ҳисобида имкониятни бой берди. Клопп жамоаси мамлакат кубогидан чиқиб кетди.
