"Манчестер Сити" ярим ҳимоячиси Родриго Эрнандес жорий мавсумдаги ўйини ҳақида фикр билдирди.

"Тўғриси, танамга кўпроқ ғамхўрлик қилишга ҳаракат қилдим. Бу ҳақда жамоа билан гаплашдим ва ўйлайманки, дам олишга муваффақ бўлдим.

Ҳаммаси қандай ўйнашингизга боғлиқ. Жамоангиз 3:0, 4:0 ҳисобида олдинда бораётган учрашувларда бор кучингизни сарфламайсиз, мавсум охиригача энергияни тежашга ҳаракат қиласиз. Бу йил мен айнан шундай қилдим. Менга бу танаффус бироз нафас олишим, руҳий ва жисмонан тикланишим ва боримни беришим учун керак", - деди Родри Manchester Evening News билан суҳбатда.

Ўтган мавсумда испаниялик ярим ҳимоячи жамоадошларига қараганда кўпроқ ўйин ўтказди (барча мусобақаларда 56 та ўйин). Родри ёзда "шаҳарликлар" мураббийларига бу суръатда ишлашни давом эттира олмаслигини айтганди. Жорий мавсумда "шаҳарликлар" ярим ҳимоячиси 37 та ўйинда майдонга тушиб, 7 та гол урди ва 11 та голга ассистентлик қилди.