Жэйдон Санчо "Ливерпуль" устидан қозонилган ғалабадан сўнг ижтимоий тармоқларда Маркус Рэшфордни мақтади.

Якшанба куни “Манчестер Юнайтед” Англия кубоги чорак финалида “Ливерпуль”ни мағлуб этди (4:3).

Учрашувнинг 112-дақиқасида Рэшфорд ҳисобни тенглаштирди. 121-да Амад Диалло тўртинчи голни киритиб, Манчестер жамоасининг ғалабасини ва турнирнинг кейинги босқичига йўл олишини таъминлади.

Ўйиндан кейин Рэшфорд ижтимоий тармоқдаги саҳифасида ўз ҳис-туйғулари билан ўртоқлашди.

Англиялик футболчининг сурати остидаги изоҳларда "Манчестер Юнайтед"нинг бошқа футболчилари қаторида Эрик тен Хаг билан можародан кейин "Боруссия Дортмунд"га ижара асосида қайтган Жэйдон Санчо ҳам изоҳ қолдирди. Ярим ҳимоячи шундай деб ёзди: "Жаҳон даражаси!"