Жошуа Киммих "Бавария"ни тарк этса, бешта топ-клубга ўтишни ўйламоқда.
Немис ярим ҳимоячиси ёзда "Бавария"ни тарк этиш ҳақида ўйлаётгани ҳақида аввалроқ хабар берилганди.
Немис журналисти Флориан Плеттенбергнинг ёзишича, агар мос таклиф тушса, "Бавария" Киммихни ёзги трансфер ойнасида сотишга тайёр.
Футболчининг ўзи потенциал харидорлар билан музокараларга очиқ, бироқ бор-йўғи бешта клуб таклифларини кўриб чиқишга тайёр. Гап "Манчестер Сити", "Ливерпуль", "Арсенал", "Реал" ва "Барселона" ҳақида кетмоқда.
Таъкидланишича, юқорида тилга олинган баъзи клублар футболчи билан аллақачон боғланишган.
Немис футболчиси "Манчестер Юнайтед", "Челси" ва "ПСЖ"га ўтишни ўзи учун мос вариант деб ҳисобламайди.
Футболчининг "Бавария" билан амалдаги шартномаси 2025 йилгача мўлжалланган.
Бундеслиганинг жорий мавсумида Киммих 20 та ўйин ўтказиб, 1 та гол урди ва 5 та голли узатмани амалга оширди.
