Мадриднинг “Реал” клуби Ла Лиганинг 29-туридан ўрин олган “Осасуна”га (4:2) қарши ўйин бош ҳаками Хуан Мартинес Мунуэра устидан Испания Қироллик футбол федерациясига шикоят қилди.
Мадрид клуби расмий баёнот бериб, Мунуэранинг ҳаракатларини қайта кўриб чиқишни сўраганини маълум қилди. "Лос-Бланкос" хабарига кўра, ҳакам Винисиуснинг номига айтилган ҳақоратларни "Реал Мадрид"нинг бошқа ўйинчилари унга хабар қилишганига қарамай, атайин пайқамаганликка олган.
“Реал” шунингдек, спортдаги зўравонлик, ирқчилик, ксенофобия ва муросасизликка қарши кураш бўйича давлат комиссиясига ҳам шикоят қилган.
Ўйин давомида “Осасуна” мухлислари дубль қайд этган Винисиусга: “Винисиус, ўл!” деб бақиришди.
