Adidas талқинига кўра, Лионель Мессининг "Интер Майами" футболкалари дунёда энг кўп сотилган футболкаларга айланди. Ўтган йили компания Мессининг футболкалари МЛСда энг кўп сотиладиган футболкаларга айланганини эълон қилганди, аммо бу ҳеч кимни ҳайратга солмаганди. Бироқ, ҳозир биз бироз бошқачароқ нарса ҳақида гапиряпмиз - Мессининг "Интер Майами"даги либослари Аргентина терма жамоасидаги футболкалари савдосидан ошиб кетди!

Бу эса Мессининг жаҳон чемпиони мақомига эга эканлигини ҳисобга олсак, жиддий ўзгариш. Бу шуни англатадики, унинг машҳурлиги "Барселона"даги йиллардаги каби юқори даражада сақланиб қолмоқда.