«Манчестер Юнайтед» навбатдаги бор Мадриднинг «Реал» клубидан машҳур футболчини ўз сафига қўшиб олиши мумкин.
Журналист Экрем Конурнинг хабар беришича, инглиз гранди ҳимоячи Давид Алабага даъвогарлик қилмоқда.
33 ёшли футболчи жорий мавсум якунланганидан сўнг «қаймоқранглилар» сафини эркин агент сифатида тарк этади. Яқин ўтмишда Рафаэль Варан ва Каземиро ҳам Манчестерга кўчиб ўтишдан олдин кўп йиллар давомида «Реал» шарафини ҳимоя қилиб, айнан шу йўлни босиб ўтишган эди. Давид Алаба жорий мавсумда жароҳатлар туфайли атиги 13 марта майдонда кўриниш берди. Умумий ҳисобда, австриялик футболчи 2021 йилда «Бавария»дан кўчиб ўтганидан бери мадридликлар либосида 129 та ўйин ўтказган.
