Дортмунднинг "Боруссия" клуби "Манчестер Юнайтед"дан ижарага олинган инглиз вингери Жейдон Санчонинг ўйинларидан мамнун.
Бу ҳақда Sky Germany хабар берди. Журналистларнинг ёзишича, немис топ-клуби раҳбарияти футболчини “қизил иблислар”дан сотиб олишга қарор қилган.
Томонлар потенциал трансфер суммаси бўйича музокараларни бошлашди. Ярим ҳимоячининг ўзи Дортмундда қолишга тайёр.
Эслатиб ўтамиз, "асаларилар" январь ойидаги трансфер ойнасида Санчони ижарага олганди. Ўшандан бери 23 ёшли ярим ҳимоячи "Боруссия" сафида 8 та ўйин ўтказиб, битта гол ва иккита голли узатмага муаллифлик қилган.
