"Барселона" ёш иқтидорларни кашф этишда давом этади - жамоа жароҳатлар билан боғлиқ муаммолар юзага келган бир вақтда ўзига яна бир янги юлдузни кашф этди. 17 ёшли Пау Кубарси "кўк-анорранглилар" сафидаги ишончли ўйини сабаб Луис де ла Фуэнте мураббийлигидаги Испания терма жамоасига чақирув олди. Агар у 23 март куни Колумбия билан ўртоқлик учрашувида майдонга тушса, "қизил фурия" тарихида ўйинда иштирок этган учинчи энг ёш футболчига айланади.

Бу борада рекорд ҳам "Барса" футболчисига тегишли - Ламин Ямал 16 ёшида миллий жамоа сафида дебют қилган. Иккинчи натижа Гавида.