"Реал" ярим ҳимоячиси Лука Модрич "қироллик" клубининг УEФА Чемпионлар лигасидаги муваффақияти ҳақида ўз фикрлари билан ўртоқлашди.

"Реал Мадрид"нинг ушбу турнир билан алоҳида муносабати бор. Чемпионлар лигасида энг кўп ғалабага "Лос Бланкос" эга бўлганининг сабаби шу. Бу ерда уч марта Ла Лига ва бешта Чемпионлар Лигасида ғолиб чиқдим. Бу ақлбовар қилмайдиган ютуқ. Дунёда "Реал"дан каттароқ клуб йўқ. Ҳамма бир поғона пастроқ", - дейди хорватиялик футболчи.

Чемпионлар лигасининг жорий мавсумида Мадриднинг “Реал” клуби чорак финалга чиқди ва унда “Манчестер Сити” билан куч синашади.