"Арсенал" ҳимоячиси Седрик Соареш мавсум якунида эркин агент сифатида жамоасини тарк этади. Журналист Фабрицио Романо хабарига кўра, томонлар ҳамкорликни кенгайтиришдан манфаатдор эмас.
Манбанинг қайд этишича, мавсум охиригача Соареш ўз шартномасини виждонан ишлаб чиқиш ва машғулотларда бор кучини бериш ниятида. Португалиялик янги жамоага ўтишдан олдин яхши формада қолишни истамоқда.
Романонинг хабар беришича, кўплаб Европа клублари Седрикни таклиф қилишга қизиқиш билдирмоқда. Англия Премьер-лигасининг ушбу мавсумида 32 ёшли Соареш бор йўғи 3 та ўйин ўтказди.
