Мадриднинг “Реал” клубининг ҳужумкор ярим ҳимоячиси Николас Паз Европанинг икки клуби томонидан трансфер рўйхатига киритилган. Журналист Экрем Конурнинг хабар беришича, 19 ёшли футболчининг хизматларига Дортмунднинг “Боруссия”си ва Португалиянинг “Бенфика” клублари қизиқиш билдирмоқда.
Жорий мавсумда Паз "Реал Мадрид"нинг асосий жамоаси таркибида саккизта ўйинда иштирок этди ва битта гол урди. Пазнинг клуб билан шартномаси 2027 йилнинг ёзига қадар тузилган.
Transfermarkt портали маълумотларига кўра, ярим ҳимоячининг нархи ўн миллион еврога тенг.
