Каталониянинг "Барселона" клуби вингери Рафинья Диас ёзда жамоасини тарк этишни истамаяпти. Sport.es нашри хабарига кўра, бразилиялик футболчи "Камп Ноу"да қолиш ниятида.
Манбанинг таъкидлашича, агар клубдаги иқтисодий вазият оғир бўлса, раҳбарият Рафиньяни сотишни талаб қилиши мумкин. У ёки бу йўл билан ҳужумчи мавсумнинг сўнгги ўйинларида раҳбариятга клубда қолишга лойиқ эканлигини исботламоқчи.
Икки йилдан камроқ вақт олдин “Барселона” Рафинья учун 58 миллион евро товон пули тўлаган эди. Жорий Испания чемпионатида Диас 4 та гол урди ва 7 та голли узатмани амалга оширди.
