Сўнгги кунларда кўп тилга олинаётган Ўзбекистон терма жамоаси сардори Сервер Жепаровнинг Корея Кей-лигасининг 2-турида ҳам янги жамоаси сафида дебют қилиши сўроқ остида қолмоқда.
Жамоага Япониянинг “Гамба Осака”сидан келиб қўшилган Ли Сеунг Рёл расман рўйхатдан ўтказилди. Бу ҳақда Корея футбол Ассоцияцияси 7 март куни маълум қилди. Аммо биз учун аҳамиятли бўлган терма жамоамиз сардорининг 9 март куни “Жежу Юнайтед”га қарши майдонга тушолмаслиги деярли аниққа ўхшайди. Хабарларга қараганда, Жепаров халиям рўйхатдан ўтказилмаган ва бунга сабаб трансфер ҳужжатлари муаммоси кўрсатилган.
Отабек Йўлдошев, Жанубий Корея, Сеул.
