"Барселона"нинг 17 ёшли футболчиси Пау Кубарси унинг муваффақиятида мураббий Хави Эрнандеснинг ҳиссаси ҳақида гапирди.
"Кўк-анорранглилар" мураббийи ёш марказий ҳимоячига асосий таркибдан жой беришни ишониб топширди. Испания терма жамоаси бош мураббийи Луис де ла Фуэнте ҳам четда турмади, Кубарсини терма жамоага чақирди.
"Хави тарихдаги энг яхши футболчилардан бири ва ундан мақтов олиш катта шарафдир. Менга билдирилган ишончдан жуда мамнунман. Хави ёш футболчиларга ўз салоҳиятини тўлиқ рўёбга чиқаришга ёрдам беради, бизга жамоадаги барча каби муносабатда бўлади", - деди Кубарси.
