"Барселона"нинг собиқ ярим ҳимоячиси Луиш Фигу Хавининг Каталония клуби бош мураббийлигидан кетиши ҳақида гапирди.

"Агар "Барса"нинг барча афсоналари қандай кетганини таҳлил қилсангиз, футболда одамлар охирги ўйинга қараб баҳо беришини тушунасиз. Бу ачинарли, лекин бу ҳақиқат. "Барса" ўтган мавсумда чемпион бўлди, энди эса мураббий кетади. “Барса”дек топ-жамоага барқарорлик керак, айниқса ҳозирги пайтда иқтисодий аҳвол ёмонлигида", - дея Фигу сўзларини келтиради Marca.

Хави январ ойи охирида Испания чемпионатининг 22-турида “Вильярреал”га 3:5 ҳисобида имкониятни бой бергандан сўнг, “Барселона”ни тарк этишини маълум қилган эди.

29-турдан кейин “Барселона” 64 очко билан Ла Лигада 2-ўринни эгаллаб турибди. “Реал” чемпионатда пешқадамлик қилмоқда (72 очко).