Лондоннинг "Арсенал" клуби бош мураббийи Микель Артета ёзги трансфер ойнасида жамоанинг ҳужум чизиғини кучайтириш ниятида. Бу ҳақда Todofichajes саҳифаларида хабар берилган.
Манба берган хабарга кўра, испаниялик мураббий 3 нафар футболчига қизиқиш билдирмоқда. Гап Виктор Осимхен («Наполи»), Жошуа Зиркзее («Болонья») ва Айвен Тони («Брентфорд») ҳақида кетмоқда. Катта эҳтимол билан санаб ўтилган ҳужумчилардан бири ёзги трансфер ойнасида инглиз топ-клуби сафига қўшилади.
Англия Премьер-лигасининг жорий мавсумида "Арсенал" 64 очко жамғариб, турнир жадвалида биринчи ўринни эгаллаб турибди. Микель Артета шогирдлари навбатдаги ўйинни “Манчестер Сити”га қарши ўтказади.
