Эдуардо Итурральде Гонсалес Жуд Беллингемнинг дисквалификацияси ҳақида гапирди.
"Реал Мадрид" ярим ҳимоячиси "Валенсия"га қарши ўйинда ҳакам Хесус Хиль Манцанонинг 99-дақиқада кўрсатган қизил карточкаси учун дисквалификацияга учраган эди.
Англиялик футболчи ҳакамга нисбатан "лаънати" сўзини ишлатгани учун Ла Лиганинг иккита ўйинига дисквалификация қилинди. "Хетафе" ярим ҳимоячиси Мэйсон Гринвуд ва "Райо Вальекано" ҳимоячиси Абдул Мўмин ҳам бу мавсумда ҳакамга нисбатан ҳақоратли сўз ишлатгани учун қизил карточка олганди.
“Примьеронинг барча ҳакамлари инглиз тилида гаплашади. Аммо Беллингем ўз оҳангидаги тажовузкорлиги учун майдондан четлатилди.
Маданий сабабларга кўра инглиз футболидаги ҳакамлар бундай тилга тоқат қилишлари мумкин.
Бу иборани ишлатиш қизил карточкага тенглаштирилмаслиги керак. Вазият контекстига, қўлланилаётган оҳангга қараб, ҳакамга қарор қабул қилишига имкон бериш керак. Одамларнинг айтишича, майдонда ўйинчиларнинг юрак уриши дақиқасига 150 зарбага етади, айтилаётган сўзлар ҳам табиий”, - деди собиқ ҳакам.
