“Бунёдкор” – “Насаф” учрашувидан кейинги матбуот анжуманига иккинчи қисми “қалдирғорчлар” устози билан ўтди.

- Қизиқарли учрашув гувоҳи бўлдик. Иккала жамоа ҳам ўзининг яхши томонларини кўрсатишга ҳаракат қилди. Биринчи бўлимда рақиб дарвозасига иккита гол урдик. Посбонимиз Игнатий Нестеров қаҳрамонлик кўрсатиб, ўта мураккаб вазиятда жамоа жонига оро кирди. Марко Блажич ўйинда тўлиқ иштирок этишга жисмоний жиҳатдан тайёр бўлиб улгурмаган. Унинг ўрнига майдонга тушган Алибобо Раҳматуллаев баҳсга яхши мослашиб кетди, деб ўйлайман. Раҳматуллаев дастлабки иккита вазиятдан фойдалана олмади, бироқ учинчи ҳолатда у дарвозани ишғол қилди. Ҳозир таркибда ўзгартириш қилаверадиган пайт эмас. Аввало жамоани шакллантириш керак.

“Бунёдкор” ва “Насаф”ни таққослаганда ўтган йилгидаги таркибда ўзгаришлар юз берди. Аввалги ўйинларда қаршиликлар ҳимоявий тактика қўллашарди. Бугун иккита тўп фарқи билан олдинда борганимиз туфайли “Насаф” ҳужумга ўтди. Рақибга 0:3 ёки 0:4 ҳисобида мағлубиятга учрашнинг фарқи йўқ эди.  Бугунги қийин об-ҳаво шароитида майдонни тозалаб, учрашувни яхши савияда ўтишига ҳисса қўшган барча инсонларга миннатдорчилик билдираман. Шунингдек бугун 8 март – халқаро хотин-қизлар байрами. Икки учрашувда 8та гол уриб, байрамга совға тайёрладик, - дейди Миржалол Қосимов.