Il Corriere dello Sport хабарига кўра, АҚШ терма жамоаси аъзоси Кристиан Пулишич бу мавсумда "Милан"да кутилганидан-да яхши ўйнамоқда ва "россонерилар"нинг А Серия тарихидаги 5000-голини урди.
Пулишич "Сан-Сиро"да барча мусобақаларда 39 та ўйинда 12 та гол урди ва 8 та голли узатмани амалга оширди.
У "россонерилар" учун сўнгги тўртта баҳсда гол урди ва тўққизта гол билан А Серия тарихида энг кўп гол урган АҚШ ўйинчисига айланди ва "Ювентус" ярим ҳимоячиси Уэстон Маккенни билан тенглашди.
Il Corriere dello Sport шунингдек, Пулишич жорий мавсумда "Сан-Сиро"да кутилганидан яхшироқ ўйнаётганини таъкидлади, чунки у 2023-24 йилги мавсумда вингер сифатида Самуел Чуквузега қарши кураш олиб бориши кутилганди. Бироқ у дарҳол "Милан"нинг асосий ўйинчисига айланди ва уларнинг жорий мавсумдаги энг ҳал қилувчи ўйинчиларидан бири бўлди, шубҳасиз, март ойидаги энг яхши футболчи десак муболаға бўлмайди.
"Милан" Пулишични 2023 йилнинг ёзида "Челси"дан 20 миллион евро эвазига сотиб олганди. Америкалик вингер А Серия гранди билан 2027 йилнинг июнигача шартнома имзолади.
