"Ньюкасл" Свен Ботманнинг жароҳати туфайли янги марказий ҳимоячи излашга мажбур.
Чоршанба куни маълум бўлишича, тиббий кўрикда нидерландиялик футболчининг хоч боғлами ёрилиши аниқланган - у олти ойдан тўққиз ойгача майдонга туша олмайди. Football Italia хабарига кўра, ушбу нохуш янгилик муносабати билан "Ньюкасл" "Аталанта"нинг 20 ёшли марказий ҳимоячиси Жоржио Скальвинига қизиқишларини янгилашга тайёр. "Қарғалар" шунингдек, "Ювентус"дан бразилиялик Глейсон Бремер ва "Торино"дан Алессандро Буонжорнога ҳам кўз тикишмоқда.
Скальвинининг нархи Transfermarkt томонидан 45 миллион евро, Бремер 60 миллион ва Буонжорно 30 миллионга баҳоланган.
