"Интер" ҳужумчиси Маркус Тюрам Майк Меньянни қўллаб-қувватламоқда. Яқинда "Милан" дарвозабони Италия чемпионати доирасида "Удинезе"га қарши ўйинда трибунадан ирқчиликка асосланган ҳақоратларни эшитиб, майдонни тарк этганди.
"Ҳа, мен Меньяннинг фикрига қўшиламан, биз майдонни тарк этишимиз керак. Биз ирқчиликка йўл қўйилмаслигини тушунтириш учун муштимизни столга уришимиз керак", — дея Тюрам сўзларини келтирган журналист Фабрис Хокинс.
2023/2024 йилги мавсумда Маркус Тюрам 38 та ўйин ўтказди. Уларда ҳужумчи 12 та гол урди ва 11 та голли узатмани амалга оширди.
