“Манчестер Сити” ҳужумчиси Эрлинг Холанд янги авлод футболчиларининг юлдузи ҳисобланади. "Барселона"нинг собиқ футболчиси Жерар Пике норвегиялик футболчи Лионель Месси ва Криштиану Роналду даражасига чиқа олиши ҳақида гапирди.

“Менимча, Холанд катта салоҳиятга эга. Лекин Месси ва Криштиану даражасига эришиш учун узоқ йўлни босиб ўтиш керак. Холанд кўп титулларни қўлга киритиши ва буни 15-17-20 йил давомида бажариши керак, бу осон эмас. У жуда ёш, жуда истиқболли, катта салоҳиятга эга. Лекин мен ҳали ҳам Холанд Месси ва Роналдудан узоқда деб ўйлайман", - дейди Пике.

2023 йилда Эрлинг Холанд “Манчестер Сити” билан бешта совринни қўлга киритганди.