"Ювентус" ярим ҳимоячиси Адриен Рабьонинг келажаги номаълумлигича қолмоқда. Франциялик футболчининг Турин клуби билан амалдаги шартномаси жорий мавсум охиригача амал қилади, яъни ёзда Рабио эркин агент мақомига эга бўлиши ва бошқа клубга текинга ўтиши мумкин.
Tuttojuve хабарига кўра, Лондоннинг "Арсенал" клуби Рабьони қўлга киритиш учун курашга қўшилган. Аввалроқ, миш-мишлар 28 ёшли ярим ҳимоячини "Ньюкасл" билан фаол боғлаган эди.
2023/2024 йилги мавсумда Адриен Рабьо чемпионат ва Италия кубогида 24 та расмий ўйин ўтказди. Уларда француз тўртта гол урди ва учта голли узатмани амалга оширди.
