Бугун Жанубий Корея Кей-лигасининг 2-тур ўйинларига старт берилди. Қишки трансфер бозорида “Сеонгнам Илва Чунма”га ўтганлиги айтилаётган ҳамюртимиз Сервер Жепаров бу турда ҳам ўйин қайдномасига киритилмади.
Бу турда сеонгнамликлар сафарда “Жежу Юнайтед”га қарши ўтган қизиқарли ўйинда иштирок этишиб ,1:1 ҳисобида дуранг ўйнашди. Киритилган иккала голга ҳам “Сеонгнам” футболчилари муаллифлик қилишди. Дастлаб 7-дақиқада Юн Ёнг Сон меҳмонларни ҳисобда олдинга олиб чиққан бўлса, 43-дақиқада Парк Жин По рақиб зарбасини ўз дарвозасига тўғрилаб қўйди.
Хабарларда айтилишича, Сервер Жепаровнинг трансфер хужжатлари ҳалигача хал этилмаган ва Кей-Лигада рўйҳатдан ўтказилмаган.
Отабек Йўлдошев, Жанубий Корея, Сеул.
