Португалия терма жамоаси 21-март куни Гимарайнш шаҳрида ўтказилган ўртоқлик учрашувида Швеция терма жамоасини 5:2 ҳисобида мағлуб этди.

2022 йилги жаҳон чемпионатидан кейин бош мураббий Роберт Мартинес тайинланганидан бери жамоа кетма-кет 11-ғалабасини қўлга киритди. Бу учрашувларда умумий ҳисоб 41:4.

Ўтган йили португаллар Евро-2024 саралаш турниридаги барча 10 ўйинда ғалаба қозонган (ҳар бири икки мартадан Лихтенштейн, Люксембург, Босния ва Герцеговина, Исландия, Словакия).

Ушбу сериядаги 9 учрашувда жамоа ўз дарвозасидан гол ўтказиб юбормади.

26 март куни Португалия терма жамоаси сафарда Словения билан ўртоқлик учрашуви ўтказади.
Евро-2024 олдидан июнь ойида Роберто Мартинес шогирдлари Финляндия, Хорватия ва Ирландия билан ўйнаши режалаштирилган.