Лиссабоннинг «Спортинг» клуби марказий ҳимоячиси Гонсалу Инасиу фаолиятини Европанинг топ-клубида давом эттириши мумкин.

Журналист Экрем Конурнинг хабар беришича, 24 ёшли футболчига даъвогарлар сафига «Челси» ҳам қўшилди. Шунингдек, португалиялик футболчини «Ливерпуль», «Манчестер Юнайтед», «Барселона» ва Мадриднинг «Реал» клублари ҳам кузатиб бормоқда.

Ўйинчининг шартномасида 60 миллион евро миқдорида товон пули белгиланган, бироқ «Спортинг» раҳбарияти бошқа шартларни ҳам муҳокама қилишга тайёр. Transfermarkt портали талқинига кўра, Инасиунинг бозор қиймати 40 миллион еврони ташкил этади. Жорий мавсумда марказий ҳимоячи «шерлар» сафида 40 та ўйинда майдонга тушиб, иккита гол ва учта голли узатмани ўз ҳисобига ёзиб қўйди.