"ПСЖ"да Луис Диаснинг трансфери борасида келишмовчиликлар мавжуд. Тахминан бир ҳафта олдин француз клуби "Ливерпуль" вингерини қисқа рўйхатга киритгани маълум бўлди.
FootMercato журналисти Санти Унанинг фикрича, Диас "ПСЖ"нинг қатарлик раҳбариятининг асосий мақсади ҳисобланади. Унга қизиқиш клуб президенти Носир Ал-Хелайфи томонидан бошланган. Собиқ спорт директори, ҳозирда Қатар чемпионатида юқори лавозимни эгаллаб турган Антеро Анрике аллақачон футболчининг агенти билан боғланган.
Париж жамоасида спорт маслаҳатчиси лавозимини эгаллаб турган Луис Кампос Диаснинг таклифига қарши. У бошқа футболчиларни нишонга олади ва Энрикедан келаётган барча таклифларни рад этади.
Журналист Фабрицио Романонинг қўшимча қилишича, "ПСЖ" Диаснинг трансфери борасида "Ливерпуль" билан боғланмаган бўлса-да, парижликлар бошқа мақсадлар устида ишламоқда.
Айни дамда "Ливерпуль" колумбиялик футболчини сотиш истагини билдирмаяпти.
Диас жорий мавсум “Ливерпуль” сафида 39 та ўйинда майдонга тушиб, 11 та гол урди ва 3 та голли узатмани амалга оширди.
