Мадриднинг “Реал” клуби ва Испания терма жамоасининг собиқ бош мураббийи Висенте дел Боске бразилиялик ҳужумчи Винисиус Жуниорга нисбатан ирқчиликка асосланган ҳақоратлар ҳақида фикр билдирди.
“Менга бундай муносабат ёқмайди, айниқса, агар у шундай нозик мавзуларга тегса. Ирқчилик ҳақида ҳам ҳазил қила олмайсиз. Одамлар буни айтиш жуда ёмон эканлигини тушунишлари керак. Винисиуснинг хатти-ҳаракати? Бу футбол. Сиз уни ёқтиришингиз ёки ёқтирмаслигингиз мумкин. Бироқ, ҳар бир футболчининг ўзига хос характери бор. Уни қандай бўлса, шундай қабул қилиш керак", - дейди мутахассис.
Испания чемпионатининг жорий мавсумида Жуниор 20 та ўйин ўтказиб, 12 та гол ва 4 та голли узатмани амалга оширди.
