Лионель Месси "Интер Майами"нинг МЛСдаги кейинги икки ўйинини ўтказиб юбориши мумкин. Сон қисмидаги жароҳат туфайли ҳужумчи Аргентина терма жамоасининг март ойидаги ўртоқлик ўйинларига чақирилмади.

Месси “Интер Майами”нинг МЛСдаги навбатдаги иккита ўйинини: "Нью-Йорк Ред Буллс" (23 март) ва “Нью-Йорк Сити” (31 март)га қарши ўйинларини ўтказиб юборади.

Месси 3 апрел куни бўлиб ўтадиган КОНКАКАФ Чемпионлар Кубоги доирасидаги "Интер Майами" - "Монтеррей" учрашувида майдонга қайтиши режалаштирилган.

Манбага кўра, Мессининг тикланиш жараёни яхши кетмоқда ва у аллақачон қисман майдонда машғулот ўтказган. "Интер Майами" Леонинг Монтеррейга қарши ўйинда оптимал ҳолатда бўлишига ишонмоқда.

Месси жорий мавсум “Интер Майами” сафида 5 та ўйинда майдонга тушиб, 5 та гол ва 2 та голли узатмага муаллифлик қилди.