"Байер" бош мураббийи Хаби Алонсо "Реал"ни бошқараётган италиялик мутахассис Карло Анчелотти жамоани тарк этмагунча ўз лавозимини тарк этмайди. Бу ҳақда Mundo Deportivo хабар бермоқда.

Манбага кўра, Анчелотти Мадрид клуби бош мураббийлигидан кетганидан сўнг, Алонсо дарҳол унинг ўрнини эгаллайди.

Анчелоттининг "Лос Бланкос" билан амалдаги меҳнат шартномаси 2026 йилнинг ёзида тугайди. Ўз навбатида, Алонсонинг "Байер" билан шартномаси ҳам 2026 йилнинг ёзига қадар амал қилади.

Олдинроқ ОАВда испаниялик мутахассис хизматларига Мюнхеннинг "Бавария" ва "Ливерпуль" клублари ҳам қизиқиш билдираётгани ҳақида маълумотлар пайдо бўлганди.