"Интер" "Бавария" ҳимоячиси Ким Мин Чжега қизиқмоқда.

La Gazzetta dello Sport нашри хабарига кўра, Франческо Ачерби сотилган тақдирда ва Стефан де Врайнинг беқарор ўйини фонида миланликлар ҳимоя марказини кучайтириш вариантларини кўриб чиқмоқда. Уларга шунчаки ротациячи эмас, ҳимоявий етакчига айланадиган футболчи керак.

Агар миланликларда имконият бўлса, "Бавария" футболчисини ўз сафига қўшиб олмоқчи. "Интер" жанубий кореяликни "Фенербахче"да ўйнаган кунларидан бери кузатиб боришади.

"Бавария" уни сотишга тайёр эмас, аммо ижарага олиш имкониятини истисно қилмаган. Қайд этилишича, келишув икки йил аввал Ромелу Лукаку борасида "Челси»" билан тузилган шартномага ўхшаш бўлиши мумкин.

Крис Смоллинг (“Рома”) ва Константинос Мавропанос (“Вест Хэм”) муқобил вариантлар сифатида кўрсатилган.