"Барселона" бош мураббийи Хави Эрнандес "ПСЖ" ҳужумчиси Килиан Мбаппени қандай зарарсизлантиришни аниқлаб олиши керак.
Парижликларга қарши "кўк-анорранглилар"нинг илк ўйини Францияда бўлиб ўтади - учрашув 10 апрелга белгиланган. Журналист Тони Хуанмарти таъкидлаганидек, Хави учун асосий муаммо Мбаппени ёпиш масаласи бўлиб қолмоқда: бу вазифа каталонияликларнинг ўнг қанотига ишониб топширилади ва ҳозир бу позицияга икки номзод – Рональд Араухо ва Жюль Кунде кўриб чиқилмоқда. Жоау Канселу ҳимоянинг қарама-қарши қанотида ўйнаши кутилмоқда.
"Барселона" Чемпионлар лигасининг 1/8 финалида "Наполи"ни мағлуб этди (умумий 4:2). "ПСЖ" "Реал Сосьедад"дан устун келди (4:1).
