Даниялик ҳимоячи Симон Кьяер ҳали ўз келажаги ҳақида бир қарорга келгани йўқ, "Милан" катта эҳтимол билан у билан хайрлашади ва Кьяер ўз ватанига қайтишга қарор қилади, деб тахмин қилинганди.
Аммо унинг ўзи ҳали қарор қилмаган ва карьерасини бутунлай якунлаб, бошқа ишларга ўтиши мумкинлигини тан олди.
"Футболда “ҳеч қачон” дейиш мумкин эмаслигини анча олдин англаб етдим. "Мидтюлланд"га қайтаманми? Мен жавоб беролмайман. Турли хил вариантлар мавжуд. Шу даражадаки, мен футболни эмас, умуман бошқа ишларни қила оламан", - дея даниялик ҳимоячининг сўзларини келтиради pianetamilan.it.
Кьяер 2020 йилдан бери "Милан"ни ҳимоя қилиб келмоқда.
