Москвада ЦСКА “Бунёдкор” ўртасида ўртоқлик учрашуви бўлиб ўтди ва унда “армиячилар” 2:1 ҳисобида ғалаба қозонди. Учрашувдан кейин “Бунёдкор” мураббийи Анвар Ғофуров фикрларини билдириб ўтди.

“Қизиқарли ўйин бўлди, деб ўйлайман. Яхши рақибга қарши ўйнадик. Яхшигина дарс бўлди. Жамоа тўғри футбол ўйнашга ҳаракат қилди. Биринчи таймда футболчиларда ишонч ўзларига керакли даражада эмасди.

Танаффусда улар билан гаплашиб, хотиржамроқ ўйнанглар деб тушунтирдик. Иккинчи таймда мазмунли ўйин кўрсатишга ҳаракат қилишди ва бунинг уддасидан чиқдик, деб ўйлайман. Келган мухлислардан хурсанд бўлдик. Улар ёрдам сифатида бизга мухлислик қилишди. Улардан миннатдормиз. Келаси учрашувларда янада яхшироқ ва мазмунли ўйин кўрсатишга ҳамда ижобий натижалар қайд этишга ҳаракат қиламиз", - деди Ғофуров.