Кеча кечқурун Сальвадор ва Аргентина терма жамоалари ўртасида ўртоқлик учрашуви бўлиб ўтди.
Учрашув 3:0 ҳисобида амалдаги жаҳон чемпионларининг йирик ғалабаси билан якунланди. Охирги учрашувда ярим ҳимоячи Анхель ди Мария голли узатмани амалга оширди.
Ушбу узатма эвазига тажрибали вингер Аргентина терма жамоаси тарихида ассистентлик бўйича иккинчи ўринга кўтарилди.
У 27 та голли узатмани амалга ошириб, афсонавий Диего Марадонани (26) ортда қолдирди. Бу кўрсаткич бўйича етакчи ҳужумчи Лионель Месси ҳисобланади. 36 ёшли футболчи ҳисобида 54 та голли узатма бор.
