Каталониянинг “Барселона” клуби ҳужумчи Жоау Феликс ва латерал Жоау Канселу билан ҳамкорликни давом эттиришдан манфаатдор. Бу ҳақда клуб президенти Жоан Лапорта гапирди.

“Ўйлашимча, улар “Барселона”да ўйнашда давом этадилар. Умид қиламизки, "Манчестер Сити" ва "Атлетико" бунга қарши бўлмайди. Агент Мендеш футболчиларни сақлаб қолиш масаласини ҳал қилмоқда. У бу футболчиларга қизиқаётганимизни жуда яхши билади", - деди Лапорта.

Жорий мавсумда Канселу 32 та ўйин ўтказиб, 4 та гол урди ва 4 та голли узатмани амалга оширди. Феликс 34 та ўйинда қатнашиб, 9 та гол ва 5 та голли узатмани амалга оширган.