Хитой терма жамоаси сардори Чжан Линьпэн халқаро фаолиятини якунлашга қарор қилди. Бунга уни ЖЧ-2026 саралашининг иккинчи босқичида Сингапур термасига қарши ўйиндаги муваффақиятсиз натижаси туртки берган.
21 март куни Сингапур ва Хитой терма жамоалари ўзаро баҳс олиб боришди. Ўйин дуранг билан якунланди - 2:2. Хитой ўйин давомида 2:0 ҳисобида олдинда борганди, аммо якунда ғалабани бой берганди.
Ўйиндан сўнг ўтказиб юборилган очколардан ранжиган Чжан Линьпэн кутилмаганда терма жамоадан кетишини эълон қилди.
"Мен бу ҳақда узоқ ўйладим, ўйлайманки, терма жамоадаги фаолиятимни якунлаш вақти келди. Сингапур термасини ҳам мағлуб эта олмадик. Мен буни номақбул деб биламан ва уни камситувчи деб биламан" - деди Линьпэн.
34 ёшли Чжан 2009 йилда терма жамоа сафида дебют қилганидан бери Хитой терма жамоаси сафида 105 ўйин ўтказди.
