"Реал Мадрид" таркибини "Ливерпуль" футболчиси билан кучайтирмоқчи. Қироллик клуби қанот ҳимоячиси Трент Александр-Арнольдга қизиқиш билдирмоқда, дея хабар беради The Sun.
"Лос-Бланкос" раҳбарияти унинг трансфери учун 88 миллион евро ажратишга тайёр. "Ливерпуль" ўз навбатида Трент билан шартномасини узайтириш орқали уни сақлаб қолмоқчи.
Томонлар ўртасидаги амалдаги келишув 2025 йилнинг ёзида якунига етади. Жорий мавсумда Александр-Арнольд мерсисайдликлар сафида 29та ўйинда иштирок этган. Ҳимоячи иккита гол урди ва ўнта голли узатмани амалга оширди.
