Мадриднинг “Реал” клуби ва ярим ҳимоячи Тони Кроос ҳалигача янги меҳнат шартномасини имзолаш борасида келишиб олишмади. Шу билан бирга, инсайдер Фабрицио Романонинг сўзларига кўра, "Лос-Бланкос" раҳбарияти 34 ёшли германиялик футболчи билан янги шартнома имзолаш имкониятларини юқори баҳолайди.
"Реал" ва Кроос ўртасидаги амалдаги шартнома келаси йилнинг ёзида тугайди. Мадридликлар юлдуз ярим ҳимоячини келаси мавсумда сақлаб қолишга умид қилишмоқда.
Тони испан клубида 2014 йилдан буён ўйнаб келмоқда. Испания чемпионатининг жорий мавсумида ярим ҳимоячи 28 та ўйинда майдонга тушди. Немис футболчисида битта гол, 7та голли узатма ва учта сариқ карточка бор.
