"Ливерпуль" Лиссабоннинг "Спортинг" клуби бош мураббийи Рубен Аморимга қизиқиш билдирмоқда. Журналист Николо Шкиранинг хабарига кўра, португалиялик мутахассис мавсум якунида бир йиллик танаффусга қарор қилган Юрген Клоппнинг ўрнини эгаллаши мумкин.
Аморим "Ливерпуль" бош мураббийи лавозимига ягона номзод эмас. Раҳбариятнинг устувор вазифаси аввалроқ мерсисайдликлар сафида футболчи сифатида ўйнаган Хаби Алонсони таклиф этиши аввалроқ хабар қилинганди. Бироқ испаниялик мутахассис хизматларига Мюнхеннинг “Бавария” клуби ҳам қизиқиш билдирмоқда.
