"Реал Мадрид" Тони Кроос билан шартномани узайтириш орқали ўз сафида сақлаб қолмоқчи. Бироқ 34 ёшли ярим ҳимоячи ҳали келажаги борасида бир қарорга келгани йўқ.
The Athletic саҳифаларида "Реал Мадрид"нинг трансфер режалари ҳақидаги материалда Кроос клубдан муҳим сигнал олгани ҳақида хабар берилган. Шундай қилиб, Тони хоҳлаган вақтда янги меҳнат шартномасини имзолаши мумкин бўлади.
Тони Кроос "Бавария"дан кўчиб ўтгандан сўнг 2014 йилнинг ёзидан бери "Реал"да ўйнамоқда. Аввалроқ, немис футболчи фаолиятини Мадрид клубида якунлашни режалаштираётганини бир неча бор айтган эди.
