Винисиус Жуниор унга қаратилган ирқчилик ҳақоратлари ҳақида гапирди.
"Бу жуда ачинарли, бу ҳар бир учрашувда, ҳар куни содир бўлади. Ҳар бир шикоятим мени жуда хафа қилади. Бу нафақат Испанияда, балки бутун дунёда содир бўлади.
Бу менинг отам билан ҳам содир бўлди - иш берувчилар қора танлиларни рад этиб, оқ танлиларни танлаган. Мен буни пайқаб турибман ва яқин келажакда бу бошқа бировнинг бошига тушмаслиги учун курашаман.
Мени қўллаб-қувватлаётган барча испаниялик футболчиларга раҳмат айтаман. Нафақат Испанияда, ҳамма жойда ирқчилик кўп.
Мени қўллаб-қувватлаётганлар сони ортиб бормоқда. Умид қиламанки, келажакда ирқчилик камроқ бўлади ва кам одамлар буни бошдан кечиради", деди "Реал Мадрид" клуби ва Бразилия терма жамоаси вингери.
