Мадриднинг “Атлетико” клуби "Аталанта" ярим ҳимоячиси Эдерсонга қизиқиш билдирмоқда, дея хабар беради Marca нашри.
Манбага кўра, "матрасчилар" ўтган мавсумдан бошлаб ярим ҳимоя чизиғини кучайтириш устида фаол иш олиб боришган. "Атлетико" ёзги трансфер ойнасида Эдерсонни сотиб олишни режалаштирмоқда.
24 ёшли бразилиялик футболчи 2022 йилнинг июлида "Салернитана"дан "Аталанта"га ўтганди. Трансфер суммаси 21,4 миллион еврони ташкил этганди. Ўйинчининг клуб билан шартномаси 2026 йилнинг ёзига қадар мўлжалланган. Transfermarkt ярим ҳимоячини 27 миллион еврога баҳоламоқда.
Жорий мавсумда Эдерсон "Аталанта" сафида барча турнирларда 36 та ўйин ўтказиб, 6 та гол урди ва 2 та голли узатмани амалга оширди.
