Озарбайжон футбол федерацияси матбуот котиби Элнур Маммадли Станислав Черчесовнинг терма жамоа бош мураббийи лавозимига тайинланиши мумкинлиги ҳақидаги хабарга жавоб қайтарди.
“Станислав Черчесов Озарбайжон терма жамоаси бош мураббийи лавозимига номзодлар рўйхатида борми? Йўқ. Терма жамоанинг янги бош мураббийи ҳақидаги қарор федерация ишчи гуруҳи йиғилишидан сўнг муҳокама қилинади. Айни пайтда биз Станислав Черчесов ёки бошқа биров билан музокара олиб бораётганимиз йўқ. Расман мутахассисларнинг бирортасига Озарбайжон терма жамоаси бош мураббийи лавозими таклиф қилинмаган", дейди котиб.
60 ёшли россиялик мутахассиснинг сўнгги иш жойи Венгриянинг “Ференсварош” клуби эди.
