31 ёшли ҳимоячи Левен Курзава "ПСЖ"ни тарк этади. Бу ҳақда инсайдер Николо Шкира ижтимоий тармоқлар орқали хабар берди.
Манбага кўра, тажрибали француз футболчиси эркин агент сифатида парижликлар жамоасини тарк этади. Унинг клуб билан шартномаси июн ойи охирида тугайди. Курзава 2015 йилдан буён "ПСЖ"да ўйнаб келмоқда.
Жорий мавсумда Левен фақат битта учрашувда иштирок этди. Аввалроқ матбуотда ҳимоячи фаолиятини Испания чемпионатида давом эттириши мумкинлиги ҳақида хабарлар тарқалган эди. Левеннинг хизматларига УEФА Чемпионлар лигасига йўл олишни мақсад қилган "Жирона" қизиқмоқда.
