Испания ташқи ишлар вазири Хосе Мануэль Альбарес футболдаги ирқий камситиш муаммосини фаол равишда кўтараётган “Реал Мадрид” вингери Винисиус Жуниорни қўллаб-қувватлади.
“Ирқчилик ҳар доим ва бутунлай нафратланади ва рад этилади. Испания каби жамиятда унга ўрин йўқ. Ирқчиликка қарши кураш барча фуқаролар ва ҳукуматлар учун кундалик муаммо ҳисобланади. Ирқчилик ижтимоий ҳаётнинг барча жабҳаларидан, хусусан, спортдан чиқариб ташланиши керак", - дея Альбарес сўзларини келтиради Mundo Deportivo.
Аввалроқ Винисиус матбуот анжуманида футболдаги ирқий камситиш ҳақидаги саволга жавоб бериб йиғлаган эди.