"Барселона" ҳимоячи Рональд Араухога меҳнат шартномасини 2029 йилгача узайтиришни таклиф қилди, аммо уругвайлик футболчи Каталония клубига жавоб беришга шошилмаяпти. Бу ҳақда Marca хабар бермоқда.

Манбага кўра, "Барселона" Араухонинг хатти-ҳаракатидан жуда ҳайратда. Қайд этилишича, ҳимоячига асосий даъвогар “Бавария” аллақачон “кўк-анорранглилар”га 100 миллион евро миқдорида оғзаки таклиф билан чиққан, бироқ испан клуби ўз футболчиси билан хайрлашишга тайёр эмас.

Жорий мавсумда Араухо “Барселона” сафида 31 та ўйин ўтказиб, 1 та гол урган. Transfermarkt портали Уругвай миллий футболчисини 70 миллион еврога баҳоламоқда.