Испания терма жамоаси бош мураббийи Луис де ла Фуэнте "Сантьяго Бернабеу"да Альваро Моратага ҳуштак чалган мухлисларни танқид қилди.
Испания ва Бразилия терма жамоалари ўртасидаги ўртоқлик учрашувида (3:3) "Атлетико"нинг амалдаги футболчиси, аввалроқ "Реал"да ўйнаган футболчини "Сантьяго Бернабеу" томошабинлари унчалик илиқ кутиб олишмади. "Қизил фурия" бошқарувчиси бунга муносабат билдирди.
“Моратага нисбатан ҳуштаклар? Юртимизда миллий терма жамоамиз футболчиси, барчага ўрнак бўладиган сардорга нисбатан ҳуштаклар мени қаттиқ хафа қилди. Бу ҳақиқатан ҳам оғриқли. Буни эшитиб, уялдим”, деди де ла Фуэнте ўйиндан кейинги интервьюсида.
